kvak.is

Líður að jólum

Gelískt þjóðlag. Ljóð: Hinrik Bjarnason. Úts.: Björn Leifsson

Líður að kveldi, líður að jólum,
lýsir af eldi ljósa á ný.
Söngur í hjarta, söngur og gleði
hugur við bjarta hátíð og frið

Nýfallin snærinn nóttina felur,
hvítur er bærinn, hvítur sem lín.
Heimurinn birtist hreinn eins og forðum,
þegar hann virtist þjáningarlaus.

Líður að morgni, bak við öll skýin,
skjöldurinn forni skínandi sól.
Birtan og sólin, bænir um friðinn,
birtast um jólin blessað nýtt ár.

Ljósið kemur langt og mjótt
Íslenskt þjóðlag - þjóðvísa. Úts.: Björgvin Guðmundsson

Ljósið kemur langt og mjótt,
langt og mjótt, mjótt, mjótt
Ljósið kemur langt og mjótt
logar á fífustöngum.
Halla kerling fetar fljótt,
fetar fljótt, fljótt, fljótt,
Halla kerling fetar fljótt,
framan eftir göngum.